د اذان په وخت کښی تلاوت کول  

د اذان په وخت کښی تلاوت کول کله چی مصروف وی یعنی سوره یی شروع کړی وی او ختمه نوی نه چی اذان شروع شی تلاوت به دروی که جاری به یی ساتی ؟
ځواب
بسم الله الرحمن الرحیم
کله چې آذان شروع شی نو غوره داده چې قرآئت ودروی او د اذان نه وروسته بیرته هغه شروع کړی ځکه چې د رسول الله صلی الله علیه وسلم حکم دی چې کله مؤذن آذان وایی نو تاسې په دې شان سره د هغه ځواب ورکوئ : عن عمر بن الخطاب قال : قال رسول الله صلى الله علیه وسلم : ” إذا قال المؤذن الله أكبر الله أكبر فقال أحدكم الله أكبر الله أكبر ثم قال أشهد أن لا إله إلا الله قال أشهد أن لا إله إلا الله ثم قال أشهد أن محمدا رسول الله قال أشهد أن محمدا رسول الله ثم قال حی على الصلاة قال لا حول ولا قوة إلا بالله ثم قال حی على الفلاح قال لا حول ولا قوة إلا بالله ثم قال الله أكبر الله أكبر قال الله أكبر الله أكبر ثم قال لا إله إلا الله قال لا إله إلا الله من قلبه دخل الجنة ” . رواه مسلم ( 385 ) .
یعنی کله چه مؤذن الله أكبر الله أكبر وایی تاسې به هم الله أكبر الله أكبر وایئ بیا چه کله أشهد أن لا إله إلا الله وایئ تاسې به هم أشهد أن لا إله إلا الله وایئ  بیا چه کله أشهد أن محمدا رسول الله وایی نو تاسې به هم أشهد أن محمدا رسول الله وایئ  بیا چه کله قال حی على الصلاة وایی تاسې به لا حول ولا قوة إلا بالله وایئ او کله چه حی على الفلاح وایی تاسې به حی على الفلاح وایئ بیا چه کله الله أكبر الله أكبر وایی تاسې به هم الله أكبر الله أكبر وایئ بیا چه کله لا إله إلا الله تاسې به هم لا إله إلا الله وایئ څوک چې د زړه نه داسې ووایی داخل به شی جنت ته (رواه مسلم ) .
د ځنو علماؤ په نزد د آذان ځواب ورکول واجب دی لکه چې د حرمینو ستر عالم ابن عثمین وایی :فإذا سمعت المؤذن وأنت تقرأ القرءان فاقطع القرآن وأجب المؤذن تقول مثل ما یقول إلا فی حی على الصلاة حی على الفلاح فتقول لاحول ولا قوة إلا بالله.
نو مسلمانان وروڼه باید د آذان له ځواب سره خپل ځان عادت کړی او د آذان په وخت خبرې ونه کړی
آن لاین اسلامې لارښود

تنها لمونځ کونکی په جهری لمانځه کې په زوره قرائت لوستلای شی ؟

که څوک ځان ته لمونځ کوی او لمونځ هم جهری لمونځ وی نو ایا سړی کولای شی چې قرات په لوړاواز سره وکړی؟       
الله ج مو کامیاب او سر لوړی لره په مینه – حیات هجران  

ځواب

بسم الله الرحمن الرحیم
د منفرد یا تنهاګزار د پاره په جهری لمونځ کې لکه سهار،ماښام او ماسخوتن کې په جهر ویل افضل دی
البته د شرعی عذر پرته د جماعت پریښودل ګناه ده (فتاوی دارالعلوم دیوبند ج ۲ ص ۲۶۶ بحواله – و ان کان منفردا فهو مخیر ان شآء جهروا سمع نفسه لانه امام فی حق نفسه وان شآء خافت لان لیس خلفه من یسمعه والافضل هوالجهر لیکون الاداء علی هیئة الجماعت (هدایة ج ۱ ص ۱۰۵ )).
مګر د ښځې د پاره په ټولو لمونځونو کې قرائت په ورو لوستل په کار دی ځکه چې د ښځې غږ عورت دی (فی الکبیر قال ابن الهمام خرج بالنوازل بان نغمة المراءة عورة الی قوله وعلی هذا الوقیل اذا جهرت فی الصلوة فسدت کان متجها – درالمختار ج۱ ص ۳۷۷ نقل فی الفتاوی دارالعلوم دیوبند ).

آن لاین اسلامې لارښود

  

 دری کلن ماشوم د مکمل قرآنکریم حافظ

 

«عبدالرحمن فارج» درې کلن الجزایری ماشوم په اوس وخت کې په ټوله نړۍ کې د قرآنکریم وړوکی حافظ شمیرل کیږی .
عبدالرحمن قرانکریم د خپلې مور او همدارنګه تلوزیون څخه حفظ کړی دی د ده لقب (مسرور) یعنی خوشحاله دی هغه تقریباً ټول قرآنکریم په صحیح توګه یاد کړی دی او بدون له کوم مشکل یې تلاوت کوی او حتی د تجوید ډیر کوچنې قواعد هم رعایت کوی .
مور او پلار یې د ده د ځنو اخلاقو او عجیب سلوک په باره کې وایی : ډیر ماشومان د لوبو په وخت کې خوشحاله وی مګر «عبدالرحمن» چې کله د قرآنکریم آواز آوروی نو خوشحاله شی ،تبسم کوی او خوله خلاصوی .
د«عبدالرحمن» مور د الشروق الجزایر ورځپاڼې سره د خبرو پر مهال د قرآنکریم د حفظ د څنګوالی په باب وویل : کله چې زه حامله وم د قرآنکریم تلاوت به مې کولو او هره اونې به مې د جمعې په ورځ  سورت (الکهف ) ویلو او هره ورځ به مې دوه سورتونه  (الناس ) او (فلق ) او همدارنګه سوره (تبرک الذی ) تلاوت کولو .

هغه زیاتوی : د عبدالرحمن د زږیدلو وروسته  به مې هره ورځ  د قرآنکریم د تلاوت خپرونه نیوله چې په دې سره  د هغه غوږونه او بدن مې د کلام الله مجید سره بلدول . علاوه له هغه کوم ذکر او دعا چې رسول الله صلی الله علیه وسلم څخه د مستحبابو په توګه او یا حتی د ورځنیو وظایفو په توګه مونږ ته رسیدلی دی ویل به مې تر څو هغه به د قرآنکریم د آیایتونو او د الله تعالی د ذکر په زمزمه کولو سره بیده کیده .
 د قرآنکریم د حفظ کولو د دقیقی مودې په اړه د عبدالرحمن مور زیاتوی : د عمر په دوه کلنۍ کې کوم سن کې چې ماشومان لوبې کوی ما هغه لیدلو چې د قرآنکریم آیتونه په پې له ځانه سره زمزمه کول او د قرآن نه بغیر به یې له هیڅ شی سره مینه او محبت نه کولو او کله به مې چې وغوښتل د کارتون خپرونه ورته ونیسم هغه به یې نه قبلوله او له ما نه به یې غوښل چې قرآنی شبکې خپرونه پریږده .
په آخر کې ویلاې شو چې دغه وړوکی ماشوم حافظ په اوسنی عصر د الله تعالی د قدرت د نښانو څخه یوه نښه ده