دجنازی احکام

 

دالله ج کوم بنده چه ددې  دنیا نه رخصت واخلې او دمرګ په لار باندې دآخرت د کور طرف

 

ته ځی نو اسلامی شریعت دده په عزت او درناوی سره د رخصت کولو یوه  خاص طریقه

 

مقرره کړی ده چه په نهایې عزت او اکرام سره به د مسلمانانو د ډلې له خوا بدرګه کیږی .

 

هغه په ښه شان سره پاکوی (غسل به ورکوی ) په پاک سپین رخت کې به یې تاووی

 

بیا د مسلمانانو دیوټولی لخوا به په ګډه دعا ورته کیږی (دجنازی لمونځ ) بیا هغه په پوره عزت سره خاورو ته سپاری .

 

مسلمانانو لپاره دا دفخر ځای دی چه مړی د اسلامی شریعت مطابق خاورو ته وسپارل

 

شی ځکه چه دا مړی به له ورایه د محمدرسول الله ص امتی ښکاری  .

 

ځنکندن :

 

هرکله چه دمرګ علامې ښکاره شی ،نودهغه سره کناستل اودقرآن لوستل پکار دی که

 

سورة یس تلاوت شی ښه   به وی رسول الله ص فرمائی : تاسی خپلو مړکیدو واله ته

 

یآسین وائی  (احمد،ابؤداود ابن ماجه ).

 

همدارنګه دځنکدن پر وخت كې مړکیدونکی ته د کلمه لااله الا الله تلقین کوئ . (مسلم )

 

چه هغه یې واروی اوخپله یې هم ووایی او خاتمه په خیر شی ،که خپله کلمه وایې نو

 

بیا به ناست کسان د کلمې تلقین نه ورکوی چه زړه یې ورڅخه تورنه شی دغه آخر وخت

 

کې انکار ونه کړی ځکه چه دا سخت وخت وی .

 

دغه وخت کې ناستو کسانو لره پکار ده چه مړ کیدونکې ته د خیر دوعا وی وکړی رسول

 

الله ص  فرمایی : دغه وخت چه څوک دُعا کوی نو دهغه په دُعا فریښتی آمین وایی .

 

هرکله چه د مړ کیدونکې ساه ووځی دهغه اندامړنه به سم کړی سترګې به یې بندی

 

کړی ،زنه به یې وروتړی تر څو خوله یې خلاصه پاتې نشی د پښو غټی ګوتې به یې سره

 

بندی او پښی به یې سیده کړی .

 

ناپاک سړی او حیض او نفاس واله ښځه به مړی ته نیږدی نه ورځې .

 

 

غسل :

دغسل ورکولو حق لومړی دهغه کس دی چه مړی وصیت ورته کړی وی بیا د پلارګنې

 

څپلوان او بیا مړی ته نږیدې خپلوان ،سړی به سړیو ته غسل ورکوی او ښځې به ښځی

 

ته غسل ورکوی یودبل مخالف جنس ته غسل ورکول حرام دی ،ښځه او میړه یوبل ته

 

غسل ورکولای شی اوهمدارنګه مور خپل ماشوم اولاد ته چه تر اوه کلنې کم وی غسل

 

ورکولای شی ځکه چه هغوی دعورت په پټولو ندی مکلف شوی .

 

دغسل ورکولوطریقه :

 

لومړی به مړی په یوه تخته څملوی اوجامې به ترینه وباسی لنګ به ور ووهی بیا به

 

استجاء ورکړی داسې چه تر لاسه یوه ټوټه تاوکړی اوبیا دلنګ  نه لاس د ننه کړی د غټواو

 

وړو متیازو ځایونه به وونځی دمړی شرمګاه ته به نظر نه کوی .

 

که بریتونه ،نوکان او دتخرګ ویښتان یې لوی وی هغه به لری کړی خودشرمګاه په

 

ویښتان به کار نه لری ځکه چه په ژوندون کې د هغه د شرمګاه لمس جایز نه ؤ .

 

بیا به اودس ورکړی په اوداسه کې په خوله اوپوزه کې اوبه نه اچول کیږی پریوه ټوټه به دغوږونو اوپوزی سوری اوغاښونه  پاک کړی ورسته به دغوږونو،پزی اوخوله کې مالوچ کیږدی چه اوبه ورنه شی .

که دکوم سړی په باره کې ستاسو یقین وی چه دا دناپاکی  په حالت کې وفات شوی  یا ښځه دحیض اونفاس په حالت کې وفاته شوی  ده نو دهغه په خوله اوپوزه کې لږلږ اوبه رسول پکار دی.

داودس نه پس یې سر اوږیره په صابون ، شامپو یا بل څیز ښه پاک کړئ بیا یې لومړی په ګین اړخ څملوی په ښی طرف یې دری ځله له سرنه تر پښو اوبه واچوی او نرم نرم یې بدن وموښئ ،بیا په همدی شان کیڼ طرف دری ځلې اوبه اچول .

ورسته مړی په قراره د ځان طرف ته راپورته کړی اوپه کراره به یې په خیټه لږ فشار وروړی چه که په نس کې یې څه پاتی وی هغه ورڅخه ووځی ورسته به هغه پریمنځی دوهم ځل غسل ته ضرورت نشته .

اوس نو غسل وشو لنګ به تری لری کړی بل لنګ به ور واچوی له هغه ځای څخه به یې بل ځای ته پورته کړی بدن به یې وچ کړی کفن به ورواچوی .

دمړی څخه د زوراتوایستل پکاردی ځکه چه هغه خرابیږی که دطلا یا بل شی قیمتې غاښونه وی که یې ایستل اسانه وی او په ژوند میت په عادی شکل ایسل نوښه اوکه ایستل یې سخت وی یا د مړی چهری ته نقصان رسوی نو بیا به یې پریږدی